Topanga 9

Ons het lekker gekuier!

Oulike plekkie, skoon en baie netjies. Eetgerei is maar skraps. Daar is ook nie 'n spieël in een van die kamers as jy jou hare wil blaas nie. Parkering is 'n uitdaging vir groter voertuie. Besoekers word willens en wetens toegelaat om te braai en neem die plek oor. Oor die algemeen 'n lekker kuier, en die strand is loopafstand. Dankie!

Baie lekker, braai area kan verbeter.

Ons was bietjie ongelukkig toe ons begin uitpak. Die diepvries van die yskas was opgevries. Ek en my man moes op Kersdag eers die yskas ontdooi en skoonmaak. Ek het vir die gasheer laat weet dat ek ongelukkig is dat ons eers die diepvries moes skoonmaak voordat ons ons vleis kon berei. Hy het gesê dat hulle die Saterdag hom skoongemaak het, en dat hy baie vinnig opvries. Ons het die tweede een uitgeboek en daar was nog geen tekens van ys in die diepvries nie, so hy kan nie so vinnig opvries soos gesê is nie. Hulle kan dalk net 'n afdak by die braaiers sit sodat mens nog steeds daar kan sit en kuier en braai vir dae wanneer dit reën. Verder kan ek nie kla oor die tydperk daar nie.

Heerlik rustig, 'n ware juweel.

Ons was warm verwelkom deur Cindy en haar span wat ons plekkie pragtig skoon en netjies aan ons oorgegee het tot handdoeke en sepies was pragtig uitgesit. Daar het niks gekort nie en die woonstel was ten volle toegerus. Dit was op die onderste vlak, lekker naby die braaigeriewe en lekker vir die kinders se rondhardloop en speel. Sal Topanga enige dag aanbeveel.

Plattelanders gaan see toe.

Ons het baie lekker gebly by Topanga 9. Die eenheid was skoon en netjies, die agent en eienaar was baie behulpsaam. Wifi in die eenheid en gratis vars drinkwater by die ingang het ons verblyf nog geriefliker gemaak. Prys is ook baie billik.

Het dit ongelooflik geniet.

Plekkie was netjies en baie mooi kompleks, swembad area en braai area is baie lekker en mooi opgepas. Beter as wat ons verwag het. Lekker stap afstand na alles. Ons sal beslis weer soontoe gaan. Baie dankie.

Ons kuiertjie by Topanga 9 was ongelooflik lekker en ons sal beslis weer gaan. Die eenheid is skoon en prakties en geleë naby die braaigeriewe en 2 swembaddens.

Die eenheid is perfek vir 'n gesin met klein kindertjies. Die ligging is ook ideaal - vanaf die stoep is daar 'n mooi uitsig van die see, en het jy maklike toegang tot die braai area en swembaddens. Die stoepie kry 'n heerlike oggendsonnetjie, perfek vir jou wakker-word koffie. Die eenheid bied alles wat mens nodig het vir 'n hassle-free wegbreek. Daar was klein goedjies wat ons verblyf verder vergemaklik het, soos 'n wasgoedrakkie vir nat handdoeke en selfs 'n strykyster en plank. Die kombuis is ook goed toegerus - daar is oorgenoeg tupperware in die kaste vir oorskietkos, 'n vleisbak, slaaibakke, potte, panne en oondbakke.

Lovely unit. Stunning, well maintained, kid friendly complex.

Cindy was amazing - everything very clean and well maintained within the unit too. Beautiful beach just 200 m away. Will definitely be back.

Very Pleasant with peace of mind.

Keep up the good work. Thanks to Cindy for all her tireless dedication.