ThornForest Luxury Bush Lodge

B&B

Kapasiteit: 5 mense
Inkloktyd: 14:00 tot 18:00
Uitkloktyd: 10:00
Adres: Sekelbosrylaan 2208, Marlothpark, 3123, Mpumalanga
Geen kinders onder 12
Vanaf R1 950 per nag, vir 2 mense

Beskrywing

ThornForest Luxury Bush Lodge is in Marlothpark met vrylopende wild, naby die Krokodilrivier en die Krugerwildtuin. Dit is die ideale opsie vir paartjies of groepe vriende.

Die huis beskik oor 4 slaapkamers met lugversorging en en suite-badkamers. Daar is 3 slaapkamers met koningingrootte-beddens en die vierde slaapkamer het 'n koningingrootte-bed en 'n enkelbed. Al die beddens het muskietnette. Elke suite het ook tee- en koffiemaakgeriewe en 1 liter filterwater word voorsien. Die en suite-badkamer in elke slaapkamer het 'n stort, wasbak, toilet en komplimentêre toiletware.

Die perseel kan as 'n geheel bespreek word en dan is die kombuis beskikbaar teen ekstra koste. Die kombuis en eetarea het 'n oopplan-ontwerp en sitplek vir 12 gaste. Die kombuis is met 'n yskas-vrieskas met 'n waterhouer, 'n skottelgoedwasser, 'n gasstoof, oond, mikrogolfoond en 'n ketel toegerus. Die leefarea het sitplek, 'n TV en onbeperkte WiFi.

'n Kontinentale ontbyt is ingesluit en word in die suite se yskas in die kamer geplaas. Die ontbyt kan opgegradeer word na 'n gekookte ontbyt teen ekstra koste. Aandete moet vooraf bespreek word. Safari-ritte en dagtoere na die Panoramaroete, Maputo en Mosambiek is beskikbaar. 'n Mobiele spa is ook beskikbaar as 'n opsionele ekstra. Piekniekmiddagetes, verpak in koelerbokse, is beskikbaar op versoek.

Die huis het 'n hibriede sonkragstelsel, gasverwarmers vir water en 'n buite-kuierarea met 'n plonspoel, sonstoele, sitplek, 'n braai-area, vuurput en 'n onderdak-piekniektafel met 'n uitstekende uitsig oor die veld. 'n Ekstra piekniektafel in die bos voorsien addisionele buitesitplek en nog 'n geleentheid om die bosvelduitsig te waardeer.

Water word op die perseel gestoor vir onverwagse watertekorte.

Kry ’n Kwotasie