by Stone Ridge Luxury Self-Catering Units | LekkeSlaap

+54

Stone Ridge Luxury Self-Catering Units

125 resensies

Selfsorg

Voorkeurvennoot
Kapasiteit: 32 persone
Inkloktyd: 14:00 tot 19:00
Uitkloktyd: 10:00
Adres: Flamingostraat, St. Lucia, 3936, KwaZulu-Natal
Alle ouderdomme is welkom
Vanaf R900 per nag, vir 2 mense

Beskrywing

Stone Ridge Luxury Self-Catering Units is aan die Noordkus van KwaZulu-Natal in die dorpie St. Lucia geleë. Ons bied gehalte-selfsorgverblyf en die eenhede is gerieflik naby verskeie winkels, restaurante en ander geriewe.

Die verblyf is beskikbaar in 2 eenhede, die een het 2 slaapkamers en ander het net 1 slaapkamer. Die tweeslaapkamereenheid bied 'n hoofslaapkamer met 'n en suite-badkamer met 'n bad, stort, toilet en wasbak. In die tweede slaapkamer is daar 2 enkelbeddens en 'n aparte badkamer met 'n bad, stort, toilet en wasbak. Die eenslaapkamereenheid het 'n kamer met 'n koninggrootte-bed en 'n aparte badkamer met 'n stort, bad, toilet en wasbak. Daar is ingeboude kaste en lugversorging in al die slaapkamers.

Elke eenheid het 'n kombuis wat ten volle toegerus is met 'n stoof en oond, 'n mikrogolfoond, 'n yskas, koffie- en teemaakgeriewe, breekware en eetgerei. Daar is ook 'n sitkamer met gemaklike sitplek in elke eenheid.

Verder is daar 'n ruim, privaat braaiplek met buitemeubels by sekere eenhede.

Stone Ridge het ook 'n kragopwekker en boorgatwater.

St. Lucia is ongeveer 2½ uur se ry noord van Durban en dis die ideale wegbreekbestemming vir gaste wat wil wegbreek uit die stad.

Stone Ridge is nie troeteldiervriendelik nie.

Kry ’n Kwotasie