Steenbokkie

Selfsorg

Kapasiteit: 6 mense
Inkloktyd: 14:00 tot 18:00
Uitkloktyd: 10:00
Adres: Steenboksingel 12, Olifantskop, Langebaan, 7357, Wes-Kaap
Alle ouderdomme is welkom
Vanaf R1 450 per nag (plek vir 2)

Beskrywing

Steenbokkie is in die Oliphantskop Privaat Natuurreservaat in Langebaan.

Daar is 2 selfsorgwoonstelle met slaapplek vir 4 gaste in Tarentaal en 2 volwassenes en 'n kind in Skillie.

Tarentaal is langs die hoofhuis, grens aan die motorhuis en het 'n privaat ingang. Die eenheid het 'n privaat houtvuurwarmbad en gaste moet asb. hul eie hout en braairooster saambring.

Die hoofslaapkamer het 'n koningingrootte-bed en 'n en suite-badkamer met 'n stort. Die tweede slaapkamer het 2 driekwartbeddens met 'n en-suite-badkamer met 'n stort.

Die kombuis is met 'n gasstoof, lugbraaier, mikrogolf, vrieskas, skottelgoedwasser, kisvrieskas, wasmasjien en 'n yskas toegerus. Daar is 'n eetarea en die sitarea het 'n kaggel en 'n TV met die volle DStv-pakket. Gratis WiFi is beskikbaar.

Daar is 'n privaat onderdakbraai by elke eenheid, asook 'n standaard-rooster in die braai. Parkeerplek is onder 'n skadunet, op die perseel, agter 'n afstandbeheerhek beskikbaar.

Die Skillie-eenheid is 20 m vanaf die Tarentaal-eenheid en is geskik vir 2 volwassenes en 'n kind. Die eenheid het 'n privaat houtvuurwarmbad en gaste moet hul eie hout saambring. Daar is 'n koninggrootte-bed wat in 2 enkelbeddens omskep kan word en daar is 'n slaapbank in die leefarea vir 1 kind onder 12 jaar. Die kombuis is met 'n gasstoof, yskas, mikrogolf, lugbraaier, kisvrieskas, skottelgoedwasser, linne en handdoeke toegerus. Die eenheid het 'n TV met die Access-pakket, maar nie DStv-nie. Gratis WiFi word voorsien en die eenheid spog met 'n onderdakbraai-area én 'n binnebraai. Die parkeerplek is onder skadunet.

Let asb. dat Steenbokkie nie in die middedorp geleë is nie en nie stapafstand vanaf die strand is nie. Dit is ongeveer 3 km vanaf Club Mykonos, die kasino, Laguna Mall en verskeie restaurante.

Kry ’n Kwotasie