Comfy Place Guesthouse

Gastehuis

Kapasiteit: 24 mense
Inkloktyd: 12:00 tot 00:00
Uitkloktyd: 10:00
Adres: Rissik-straat 22, Balfour, 2410, Mpumalanga
Alle ouderdomme is welkom
Vanaf R650 per nag (plek vir 2)

Beskrywing

Comfy Place Guesthouse bied gerieflike oornagverblyf aan gaste wat op soek is na bekostigbare en gehalteverblyf. Hierdie verblyf is die ideale opsie vir sakereisigers en vakansiegangers. Dit is in Balfour, 'n klein dorpie in Mpumalanga waar daar met mielies geboer word en steenkool gemyn word, geleë.

Dié gastehuis het 12 slaapkamers wat elk slaapplek aan 2 gaste bied. Die kamers het elk óf 'n dubbelbed óf 2 enkelbeddens en 'n en suite-badkamer met óf 'n stort óf 'n bad, toilet en 'n wasbak. Elke slaapkamer het 'n kas, yskassie, mikrogolfoond en koffie- en teemaakgeriewe.

Daar is ook 'n platskerm-TV en gaste het toegang tot gratis WiFi. Linne en handdoeke word voorsien. Daar is 'n gemeenskaplike leefarea met 'n sitkamerstel en 'n etenstafel met stoele waar etes geniet kan word. Alle etes en wasgoeddienste is op versoek beskikbaar, mits dit vooraf met die eienaar gereël word. Veilige parkeerplek is op die perseel agter 'n gemotoriseerde hek beskikbaar.

Kry ’n Kwotasie