The Owl House

Selfsorg

Gratis kansellasie tot 1 week voor jou verblyf!
Kapasiteit: 6 mense
Inkloktyd: 14:00 tot 19:00
Uitkloktyd: 10:00
Adres: Meeurots-singel 5, Kersbosstrand, Dwarskersbos, 7365, Wes-Kaap
Alle ouderdomme is welkom
Vanaf R2 250 per nag, vir 6 mense

Beskrywing

The Owl House is 'n selfsorg-vakansiehuis in Kersbosstrand in Dwarskersbos, 200 m van die strand af.

Die huis het 'n omsetter en batterystelsel wat krag aan al die dakligte, die TV, WiFi en yskas voorsien. Daar is ook 'n gasstoof. Beurtkrag oefen dus 'n minimale impak op gaste uit.

Die bekoorlike huis bied verblyf aan 6 gaste en beskik oor 3 slaapkamers en 2 badkamers. Die hoofslaapkamer het 'n koningingrootte-bed en 'n en suite-badkamer met 'n stort. Die tweede slaapkamer het 'n koningingrootte-bed en die derde slaapkamer het 2 enkelbeddens. Die tweede en derde slaapkamer deel 'n badkamer wat 'n stort en 'n bad het. Beide slaapkamers het verwarmers en daar is elektriese komberse op die beddens in die winter. Linne en badhanddoeke word voorsien.

Die kombuis is goed toegerus met 'n yskas-vrieskas, mikrogolfoond, vierplaatstoof, elektriese oond, filterkoffiemasjien, ketel en broodrooster. In die waskamer is daar 'n wasmasjien, skottelgoedwasser, eetgerei, breekware, potte, panne, 'n strykyster en 'n strykplank. Vadoeke, opwaslappe en skottelgoedseep word voorsien.

In die oopplan-leefarea is daar 'n etenstafel vir 6, rusbanke, 'n TV met sekere DStv-kanale, en 'n groot smeulstoof. Die leefarea lei na 'n braaikamer met 'n ingeboude braai en 'n tafel vir 6. 'n Braairooster, -rak en -toerusting word voorsien.

Motorhuisparkeerplek vir 2 voertuie is op die perseel agter die huis beskikbaar.

Daar is 2 kafees in Dwarskersbos wat kos verkoop, 'n drankwinkel, 2 restaurante, See-Kaia en Deli on Main, 'n haarkapper, binnenshuise-dekorwinkel en 'n wassery. Laaiplek bied 'n groot supermark en Vredenburg 'n inkopiesentrum. 4x4-roetes en baie grondpaaie vir bergfietsry is ook die omgewing beskikbaar.

Kry ’n Kwotasie