Robertson Stays

Selfsorg

Gratis kansellasie tot 24 uur voor jou verblyf!
Soos Gesien op Facebook
Kapasiteit: 8 mense
Inkloktyd: 14:00 tot 19:00
Uitkloktyd: 10:00
Adres: Noree-weg, Erfdeel 22 Noree Plaas, Robertson, 6705, Wes-Kaap
Alle ouderdomme is welkom
Vanaf R4 000 per nag (plek vir 8)

Beskrywing

Robertson Stays is 'n pragtige selfsorgplaashuis met 'n uitsig oor 'n dam, vallei en op die berge. Die plaashuis is 'n rustige toevlug sowat 12 km van Robertson af. Die Vinkriviervallei bied 'n mengsel moderne landboumetodes en natuurprag en is 'n paradys vir gaste wat wil voetslaan en bergfietsry. Die Robertsonstreek is ryk aan wynplase met wynproegeleenthede en goeie eetplekke. Daar is baie restaurante, koffiewinkels, 'n pragtige kwekery en kunsgalery in die dorp.

Die plaashuis is ten volle onafhanklik van die tradisionele water- en kragnetwerk. Die ligte werk met sonkrag en die toebehore soos die stoof en geiser werk met gas. Water word uit die rivier en boorgat verkry.

Die plaashuis het slaapplek vir 8 gaste en beskik oor 4 slaapkamers, 2 badkamers en 'n oopplan-kombuis, -eetarea en leefarea. Die hoofslaapkamer het 'n en suite-badkamer met 'n stort en bad. Die tweede slaapkamer het 'n dubbelbed en die derde slaapkamer het 2 enkelbeddens. Die 2 slaapkamers deel 'n badkamer wat 'n stort het. Daar is 'n buite-ingang na die vierde slaapkamer wat dit ideaal maak vir 'n tiener wat 'n bietjie meer onafhanklikheid soek. Hierdie slaapkamer het 2 enkelbeddens. Daar is waaiers in al die slaapkamers.

Die kombuis is goed toegerus met 'n gasstoof, mikrogolfoond, yskas-vrieskas en 'n toonbank met stoele. Daar is nie 'n oond nie, want die eenheid is sonkrag-aangedrewe. Die eetarea het 'n etenstafel met sitplek vir 8 gaste. Die sitarea het sitplek, 'n kaggel en 'n platskerm-TV met sekere DStv-kanale. Die leefarea het stapeldeure wat na 'n onderdakstoep met buitemeubels, 'n braai en 'n swembad lei.

Die huis het 'n dam voor, so dit is nie raadsaam om hier te bly indien kinders nie kan swem nie.

Die grondpad na die instansie kan met 'n normale sedanvoertuig aangepak word, maar 'n voertuig met 'n hoë grondvryhoogte word aanbeveel.

Kry ’n Kwotasie