Naftali Guest Farm

Selfsorg

Gratis kansellasie tot 1 week voor jou verblyf!
Kapasiteit: 4 mense
Inkloktyd: 12:00 tot 20:00
Uitkloktyd: 10:00
Adres: Naftali Estate, Upington, 8805, Noord-Kaap
Alle ouderdomme is welkom
Vanaf R890 per nag (plek vir 2)

Beskrywing

Naftali Guest Farm is op 'n werkende plaas sowat 22 km buite Upington geleë. Die plaas het ook 'n manjifieke Friesperdstoetery. Die ideale ligging maak dit die perfekte oornagplek op pad na die Kgalagadi-oorgrenspark en die Augrabies-waterval Nasional Park.

Verblyf is beskikbaar in 2 smaakvol gemeubileerde eenhede wat elk slaapplek aan 2 gaste bied. Eenheid 1 beskik oor 1 slaapkamer, 1 badkamer, 'n kombuis en 'n leefarea. Die slaapkamer het 'n koningingrootte-bed en 'n oopplan-badkamer met 'n losstaande bad, stort, wasbak en 'n toilet. Die oopplan-kombuis is vir selfsorg toegerus en die leefarea het 'n sitkamerstel, 'n kaggel en 'n platskerm-TV. Die stoep, braai-area en voortuin word met gaste in Eenheid 2 gedeel.

Eenheid 2 het 'n dubbelbed en 'n en suite-badkamer met 'n stort, wasbak en 'n toilet. Verder het die eenheid ook 'n klerekas, lessenaar en 'n platskerm-TV. WiFi is ook beskikbaar. Die kombuisie is met 'n yskas, mikrogolfoond en tee- en koffiestasie toegerus. Gaste kan ook in die klein tuin voor die stoep ontspan en die braai wat met gaste in Eenheid 1 gedeel word, geniet.

Gaste kan stap of fietsry in die wingerde en langs die rivier, of visvang en die tuine geniet. Daar is ook 'n gedeelde swembad en gaste kan tennis speel onder die spreiligte. Veilige parkeerplek is op die perseel beskikbaar.

Kry ’n Kwotasie