Mountain Canadian Log Home

Selfsorg

Op die Nippertjie-aanbod 15% af

Kry 15% af op alle besprekings wat 2 dae of minder voor jou verblyf gemaak word. Hierdie aanbod is altyd geldig.

Kapasiteit: 6 mense
Inkloktyd: 14:00 tot 19:00
Uitkloktyd: 10:00
Adres: Erf 185 Sandweg, Kalkheuwel, 1748, Noordwes
Alle ouderdomme is welkom
Vanaf ~~R3 800~~ R3 230 per nag, vir 6 mense

Beskrywing

Mountain Canadian Log Home is 'n pragtige houthuis op 'n plaas wat 52 000 m² groot is. Dit is in die berge versteek, teen die kant van 'n koppie en net 5 km van Kalkheuwel af. Die huis spog met 'n uitsig oor die Leeu- en Safaripark en is ook naby Hartbeespoort geleë.

Die huis bied slaapplek aan 6 gaste en beskik oor 3 slaapkamers en 'n badkamer. Die hoofslaapkamer het 'n koninggrootte-bed en 'n uitsig oor die moerbeiboom waar volop voëlspesies te sien is. Die ander 2 slaapkamers het elk 'n dubbelbed. Die badkamer het 'n stort, wasbak en 'n toilet. Alle linne en badhanddoeke word voorsien, maar gaste moet hul eie swemhanddoeke saambring.

Die leefarea beskik oor 'n kombuis wat met 'n gasstoof, mikrogolfoond, yskas-vrieskas, eetgerei, breekware en tee- en koffiemaakgeriewe toegerus is. Die kombuis lei na 'n sitarea met gemaklike sitplek en 'n platskerm-TV met stroomdienste sodat gaste met hul eie rekeningbesonderhede kan inteken. Gratis WiFi is beskikbaar. Daar is ook 'n knus leeshoekie op die boonste verdieping.

Buite is daar 'n groot onderdakstoep met meubels, 'n etenstafel, ingeboude braaigeriewe en 'n houtdek met 'n warmbad en 'n vlak plonspoel. Die tuintrappies lei na 'n buitebraai-area en 'n pizza-oond onder die bome. Daar is ook 4 swaaie, 'n handswaai en 'n sandhoop net buite die omheinde area sodat kinders hulself heerlik kan besig hou. Let asb. dat daar 2 katte en 2 honde op die perseel woon en gaste wat allergies is, word afgeraai om hiér te bespreek.

Kry ’n Kwotasie