Leopard Tree Cottage

Selfsorg

Gratis kansellasie tot 24 uur voor jou verblyf!
Kapasiteit: 2 mense
Inkloktyd: 15:00 tot 19:00
Uitkloktyd: 10:00
Adres: Vierde Laan 106, Linden, Johannesburg, 2195, Gauteng
Geen kinders onder 18
Vanaf R800 per nag (plek vir 2)

Beskrywing

Leopard Tree Cottage is 'n kompakte en moderne eenheid met 'n rugsteunkragstelsel wat die impak van beurtkrag verminder.

Die kothuis bied selfsorgverblyf op die eienaar se perseel in Linden, 'n woonbuurt in Randburg. Die verblyf is ideaal vir sakereisigers of gaste op soek na gerieflike oornagverblyf naby Sandton, Hyde Park, Rosebank en al die vernaamste snelweë.

Die eenheid bied slaapplek aan 2 gaste en beskik oor 'n oopplan-ontwerp wat bestaan uit 'n slaaparea, kombuisie en aangewese werksarea. Dit het 'n koningingrootte-bed en 'n aparte badkamer met 'n stort, wasbak en toilet.

Die kombuisie is met 'n vierplaatgasstoof, elektriese oond, mikrogolf, skottelgoedwasser en wasmasjien toegerus. Maaltye kan by die toonbank genuttig word. Die eenheid het ook gemaklike leunstoele, 'n slim-TV, 'n skootrekenaarkluis, genoeg kasspasie en 'n instap-aantrekkamer.

Daar is 'n klein tuinarea met Weber-braaigeriewe wat met houtskool werk en 'n vuurput met sitplek. Hier kan gaste die mooiste sonsondergang geniet.

Veilige parkeerplek vir 1 voertuig is langs die kothuis agter 'n motorhuisdeur beskikbaar. Dit kan bereik word via die eenheid se privaat ingang.

Die ingang van die eenheid is langs die straatwag se houthuisie wat addisionele sekuriteit verseker.

Daar is ook sekuriteitskameras en 'n elektriese heining reg rondom die perseel.

Kry ’n Kwotasie