Perlhuhn's Nest

Selfsorg

Kapasiteit: 9 mense
Inkloktyd: 14:00 tot 19:00
Uitkloktyd: 10:00
Adres: Sekelbosrylaan 2053, Marlothpark, 1321, Mpumalanga
Alle ouderdomme is welkom
Vanaf R2 400 per nag (plek vir 9)

Beskrywing

Perlhuhn's Nest is 'n selfsorgvakansiehuis in Marlothpark wat aan die Krokodilrivier en die suidelike deel van die Krugerwildtuin in Mpumalanga grens. Die huis is ideaal vir familie en vriende wat gehaltetyd in die natuur wil deurbring.

Die huis bied slaapplek aan 6 volwassenes en 3 kinders en beskik oor 3 slaapkamers en 4 badkamers. Die eerste slaapkamer het 'n koninggrootte-bed, enkelbed en 'n en suite-badkamer met 'n bad, stort, wasbak en 'n toilet. Die tweede en derde slaapkamer het elk 3 enkelbeddens of 'n koninggrootte-bed en 'n enkelbed (op versoek) en 'n en suite-badkamer met 'n stort, wasbak en 'n toilet. Die gedeelde badkamer het 'n bad, stort, wasbak en 'n toilet. Linne en badhanddoeke word voorsien, maar gaste moet hul eie swemhanddoeke saambring.

Die kombuis is met 'n yskas-vrieskas, gas- en elektriese stoof, oond, mikrogolfoond, skottelgoedwasser, wasmasjien, eetgerei, breekware en 'n filterkoffiemasjien toegerus.

Die sitaea het gemaklike rusbanke en 'n groot etenstafel. Die sitarea lei na 'n onderdakstoep met buitemeubels en 'n etenstafel.

Toegang tot WiFi is beskikbaar en 'n omsetter sal help wanneer daar beurtkrag is. Gaste het toegang tot 'n klein swembad en braaigeriewe rondom 'n boma. Parkeerplek op die perseel is onder skadudoek en genoeg vir 3 voertuie.

Hierdie verblyf bied die geleentheid om plaaslike wild vanaf die stoep te besigtig, aangesien dit 'n uitsig oor die voorkant van parkgrond het. Hierdie eiendom is naby winkels, restaurante en verskeie wildbesienswaardighede soos die Krokodilrivier en die Krugerwildtuin, daar is ook ander besigtigings beskikbaar of selfs visvang.

Kry ’n Kwotasie