Disa 23

Selfsorg

Kapasiteit: 10 mense
Inkloktyd: 14:00 tot 19:00
Uitkloktyd: 10:00
Adres: Disa-straat 23, Struisbaai, 7285, Wes-Kaap
Alle ouderdomme is welkom
Vanaf R5 410 per nag (plek vir 10)

Beskrywing

Disa 23 is 'n ruim selfsorgvakansiehuis in die hartjie van Struisbaai. Dit ideaal vir 'n kuswegbreek, aangesien die verblyf spog met 'n swembad en stapafstand vanaf die 14 km lange swemstrand is.

Dié dubbelverdiepinghuis bied slaapplek aan 10 gaste en beskik oor 5 slaapkamers en 5 badkamers. Die hoofslaapkamer het 'n dubbelbed en 'n en suite-badkamer met 'n bad en stort. Die ander 4 slaapkamers het ook 'n dubbelbed, net 3 van hulle het 'n en suite-badkamer met óf 'n stort óf 'n bad en 'n stort. Die vyfde badkamer het 'n bad en stort. Linne en badhanddoeke word voorsien, maar gaste moet hulle eie swemhanddoeke saambring.

Die ruim leefarea is op die grondverdieping en beskik oor 'n kombuis met 'n gasstoof, elektriese oond, mikrogolf, yskas-vrieskas, eetgerei en breekware. Daar is ook 'n skottelgoedwasser en wasmasjien. Die kombuis lei na 'n eetarea met 'n kaggel en 'n knus sitarea met gemaklike sitplek. Hierdie grondverdieping het ook nog 'n eetarea wat lei na 'n gesellige kuierarea met 'n kroeg en 'n ingeboude braai. Verder is daar ook 'n pooltafel.

Die boonste verdieping het 'n tweede kuierarea met 'n etenstafel, 'n tweede sitarea met 'n TV met DStv, asook 'n ingeboude braai. Die grondverdieping lei na 'n uitgestrekte buite-area met 'n plonspoel en 'n draagbare braai. Veilige parkeerplek is op die perseel beskikbaar.

Kry ’n Kwotasie