Witgatboom Verblyf

Selfsorg

Gratis kansellasie tot 24 uur voor jou verblyf!
Kapasiteit: 4 persone
Inkloktyd: 14:00 tot 20:00
Uitkloktyd: 10:00
Adres: Fransville-plaas, 40 km vanaf Hopetown, Kraankuil, 8750, Noord-Kaap
Alle ouderdomme is welkom
Vanaf R950 per nag (plek vir 4)

Beskrywing

Witgatboom is in 'n wildkamp op 'n werkende skaap- en wildsplaas in die hartjie van die Bo-Karoo, tussen Hopetown, Orania en Strydenburg. 'n 40 km lange grondpad lei vanaf die N12 na die verblyf en 'n bakkie of 'n SUV word benodig.

Gaste kan die asemrowende sonsondergang, sterre, rustigheid en die stilte van die natuur geniet. Daar is ook verskeie wildspesies wat op die plaas gesigwys. Witgatboom is ideaal vir 'n oornag of 'n wegbreek-naweek.

Verblyf word in 'n selfsorghuis aangebied wat slaapplek vir 4 gaste het met 2 slaapkamers, 1 badkamer, 'n oopplan-kombuis en -leefarea. Die eerste slaapkamer het 'n dubbelbed en die tweede kamer het 2 enkelbeddens. Die badkamer het 'n stort, toilet en wasbak.

Die kombuis is met 'n tweeplaatgasstofie, yskas-vrieskas, eetgerei en breekware toegerus en daar is 'n toonbank met stoele waar gaste hul maaltye kan geniet. Die krag word met 'n sonpaneel voorsien. DIe sitarea het sitplek waar gaste kan ontspan. Voudeure lei na 'n buitearea met 'n vuurput-braaiarea.

Daar is 2 uitkykpunte wat gaste met die pragtige, eindelose Karoo-plein en veldroetes vir stap en fietsry bederf.

Kry ’n Kwotasie