Willow's Rest

Gastehuis

Langtermynverblyf-aanbod 10% af

Kry 10% af vir verblyf wat 7 nagte of langer is. Hierdie aanbod is altyd geldig.

Kapasiteit: 7 persone
Inkloktyd: 11:00 tot 20:00
Uitkloktyd: 10:00
Adres: Molenstraat 11, Trompsburg, 9913, Vrystaat
Alle ouderdomme is welkom
Vanaf ~~R800~~ R720 per nag, vir 2 mense

Beskrywing

Willow's Rest is 'n bekoorlike gastehuis in die dorpie Trompsburg. Dié plaasdorpie spog met 'n aantal natuur- en landboubesienswaardighede, asook noemenswaardige historiese besienswaardighede om te verken.

Dié gastehuis het slaapplek vir 7 gaste en beskik oor 4 slaapkamers wat elkeen sy eie badkamergeriewe het. Daar is 2 en suite-slaapkamers, elk met 'n koninggrootte-bed, en die ander twee slaapkamers het 'n dubbel- of driekwartbed met 'n aparte badkamer wat oor 'n stort, toilet en 'n addisionele toilet beskik.

Daar is 2 gemeenskaplike sitkamers, die eerste een met 'n kaggel teen die ysige winterkoue in die suide van die Vrystaat. Die huis beskik ook oor 'n gesamentlike eetkamer. Veilige parkeerplek en braaigeriewe is beskikbaar.

Heerlike, tuisgemaakte maaltye kan bedien word indien dit vooraf gereël word. Ontbyt en aandete is albei teen R100 per persoon per maaltyd beskikbaar.

Die huis bied 'n gerieflike wegbreek vir 'n groep mense uit die woelige stadslewe en kan as 'n geheel bespreek word.

Besienswaardighede in die area sluit die Gariepdam, Stone Wall en Boesmansfontein in en gaste kan ry om die besienswaardighede in die omliggende dorpe te verken.

Kry ’n Kwotasie