Welgelegen Cherry Estate

Selfsorg

Kapasiteit: 77 persone
Inkloktyd: 14:00 tot 17:00
Uitkloktyd: 10:00
Adres: Pad S508, Fouriesburg, 9725, Vrystaat
Alle ouderdomme is welkom
Vanaf R1 100 per nag (plek vir 2)

Beskrywing

Welgelegen Cherry Estate bied selfsorgverblyf op 'n kersie- en appelplaas 55 km vanaf Clarens. Dit is ideaal vir gaste wat op soek is na 'n rustige wegbreek tussen die prentjiemooi Witteberge met 'n uitsig op die Maluti-berge.

Verblyf is in 3 selfsorghuise, 2 privaat suites en 18 privaat chalets beskikbaar. Die selfsorghuise bestaan uit 2 eenhede met slaapplek vir 6 en 'n eenheid met slaapplek vir 5. Elke eenheid beskik oor 3 slaapkamers en 2 badkamers. Die eenhede, sowel as sekere van die chalets, het elk 'n sitarea met 'n kaggel en kombuis wat met 'n stoof, oond, mikrogolf, yskas-vrieskas, eetgerei, breekware en koffie- en teemaakgeriewe toegerus is.

Die 2 privaat suites bied elk slaapplek aan 2 gaste en het 'n privaat badkamer met 'n stort of 'n bad. Dié eenhede, sowel as sekere van die chalets, het 'n kombuisie met verhit-en-eetgeriewe. Al die eenhede het 'n privaat stoep met braaigeriewe.

Welgelegen Cherry Estate bied 'n konferensie- en trou-venue wat geskik is vir 250 gaste en verblyf aan 76 gaste bied. Daar is 'n rits aktiwiteite op die plaas soos voetslaanroetes, forelhengel op 'n vang-en-vrylaat-basis, bergfietsry, voëlkyk en 4x4-roetes in die omliggende area.

Kry ’n Kwotasie