Sabie River Camp

Kampeer/karavaan

Kapasiteit: 732 persone
Inkloktyd: 14:00 tot 23:00
Uitkloktyd: 10:00
Adres: Plaaswaterval 30, Sabie, 1260, Mpumalanga
Alle ouderdomme is welkom
Vanaf R300 per nag, vir 2 mense

Beskrywing

Sabie River Camp bied rustige en ontspannende verblyf weg van die gejaagde stadslewe en is sowat 1 km buite Sabie op die Graskoppad geleë. Kom ervaar 'n natuurlike omgewing met die geluid van water en die natuur se naglewe.

Verblyf word in en suite-tente, tente op stelte en kampterreine gebied. Die en suite-tente het elk slaapplek vir 6 gaste. Dié tente het elk 'n en suite-badkamer met 'n stort en 'n kampkombuisie wat met 'n yskassie, ketel, broodrooster en tweeplaat-gasstofie toegerus is. Geen mikrogolfoonde word voorsien nie.

Die tente op stelte bied elk slaapplek aan 4 gaste. Dié tente het toegang tot ’n gemeenskaplike kombuis, ablusiegeriewe en braaigeriewe. Die kampterrein het kragpunte (gaste sal 'n driepunt-karavaan-aansluitprop benodig), gemeenskaplike krane en toegang tot ’n gemeenskaplike kombuis en ablusiegeriewe. Gaste wat in die tente op stelte of kampterrein bly moet asb. hul eie kook- en eetgerei saambring. Mikrogolwe word nie voorsien nie.

Die Sabie River Camp is naby die Sabie-watervalle soos Lone Creek, Bridal Veil, Mac-Mac en die Groot Swaai in Graskop. Dit is ook naby die Mac-Mac-poele, Mac-Mac-woudoord en nog vele ander toeriste-besienswaardighede.

Die kampterrein spog met 'n putt-putt-baan, 'n kouewater- en verhitte swembad, 'n lapa, visvangplekke en voetslaan- en bergfietsroetes. Die verhitte swembad is onderhewig aan beskikbaarheid en elektrisiteit.

Kry ’n Kwotasie