Round Here Self-catering Holiday Home

Selfsorg

Soos Gesien op Facebook
Kapasiteit: 14 persone
Inkloktyd: 12:00 tot 17:00
Uitkloktyd: 10:00
Adres: Langs die Hoofweg, Waterfall Plaas, Sabie, 1260, Mpumalanga
Alle ouderdomme is welkom
Vanaf R4 800 per nag, vir 14 mense

Beskrywing

Round Here Self-catering Holiday Home is op 'n koppie sowat 1 km buite Sabie geleë en het slaapplek vir 14 gaste. Dit is 10 km vanaf Lone Creek Falls en 10,5 km vanaf Mac Mac Pools. Sabie bied verskeie restaurante, koffiewinkels en ander besienswaardighede. Doendinge sluit die Bosbou Museum, voetslaan-, stap- en fietsryroetes in.

Dié verblyf bestaan uit die hoofhuis en 'n tweede huis wat verdeel word deur 'n onderdakstoep en 'n grasperk. Die hoofhuis het 3 slaapkamers en 2 badkamers waarvan 1 en suite is. Daar is ook 'n kombuis en leefarea. Die tweede huis het 2 en suite-slaapkamers, 'n tweede kombuis en 'n tweede leefarea.

Daar is 2 slaapkamers elk met 'n koningingrootte-bed. Die ander 2 slaapkamers het 'n koningingrootte-bed, sowel as 'n slaapbank en daar is nog 'n slaapkamer met 2 enkelbeddens en 'n koningingrootte-bed. Die badkamers het storte of baddens, en sommige het albei.

Die kombuise is met 'n gasstoof, elektriese stoof, 'n yskas, mikrogolf en tee- en koffiemaakgeriewe toegerus en gaste kan etes in die eetareas geniet. Die huise het TV's met sekere DStv-kanale, Netflix en Spotify. Daar is onbeperkte WiFi en braaigeriewe.

Die huis lei na 'n dek met 'n uistig oor die omgewing en die swembad. Die swembad word met trappe bereik en het nie 'n heining of 'n net nie. Die verblyf is omhein en die huis is aan gewapende reaksie gekoppel.

Round Here Self-catering Holiday Home word deur sonkrag en 'n batterystelsel aangedryf en word nie deur beurtkrag geraak nie.

Kry ’n Kwotasie