Rhapsody 5

Selfsorg

Spesiale Aanbod 30% af

Kry 30% af (minimum twee nagte se verblyf). Geldig vir verblyf vanaf 2 Apr 2024 tot 29 Apr 2024.

Kapasiteit: 6 persone
Inkloktyd: 14:00 tot 19:00
Uitkloktyd: 10:00
Adres: Malvaweg 117, Danabaai, 6510, Wes-Kaap
Alle ouderdomme is welkom
Vanaf ~~R2 800~~ R1 960 per nag (plek vir 6)

Beskrywing

Rhapsody 5 is in Danabaai, Mosselbaai geleë en is 1 van 6 woonstelle teen die kus met asemrowende see-uitsigte. Gaste kan walvisse en dolfyne van die balkon af dophou, en hulle is ook sigbaar as jy op jou bed lê en selfs vanuit die stort! Gaste het toegang tot die strand via trappe net 'n entjie in die straat af.

Dié woonstel bied dubbelmotorhuis parkeerplek op straatvlak, 'n leefarea op die middelste verdieping en 3 slaapkamers op die onderste verdieping met slaapplek vir 6 gaste. Die 2 dubbelkamers het 2 nuwe ekstra lang koningingrootte-beddens en lei na 'n klein patio met direkte see-uitsigte. Die derde slaapkamer het 2 enkelbeddens en bied ook 'n see-uitsig. Die hoofslaapkamer het 'n en suite-oopplanbadkamer met spa-bad en stort. Die tweede badkamer het 'n stort. Linne en badhanddoeke word voorsien, maar gaste moet asb. hul eie strandhanddoeke saambring.

Die oopplan-kombuis is toegerus met 'n skottelgoedwasser, wasmasjien en tuimeldroër, en die leefarea het 'n TV (55") met DStv en 'n binnebraai. Skuifdeure lei na die balkon met 2 sonstoele, 'n tafel en stoele waar gaste ontbyt of skemerkelkies kan geniet, die vars seelug inasem en die lieflike uitsig bewonder. Daar is noodligte en 'n omsetter wat die WiFi en TV tydens beurtkrag ondersteun.

Danabaai het 'n gewilde strand met verskeie rotsvisvangplekke, so bring gerus jou visstok saam. Danabaai is ook gerieflik net 'n halfuur se ry van George Lughawe af.

Kry ’n Kwotasie