Klipperant Kothuise

Selfsorg

Weeksdagaanbod 20% af

Kry 20% af op enige bespreking wat nie 'n Vrydag- of Saterdagaand insluit nie. Geldig vir verblyf vanaf 8 Apr 2024 tot 25 Apr 2024.

Gratis kansellasie tot 1 week voor jou verblyf!
Kapasiteit: 7 persone
Inkloktyd: 14:00 tot 18:00
Uitkloktyd: 10:00
Adres: Lilyvale-weg 10, Rayton Smallholdings, Bloemfontein, 9332, Vrystaat
Geen kinders onder 2
Vanaf ~~R1 200~~ R960 per nag, vir 2 mense

Beskrywing

Klipperant Kothuise is op 'n privaat plot in Rayton, Bloemfontein. Dit is ideaal vir sakereisigers, gaste wat vir familie kom kuier en oornaggaste. Dit is naby verskeie winkels, restaurante, aktiwiteite en besienswaardighede, asook die N1-hoofweg.

Verblyf word aangebied in 2 bekoorlike kothuise naamlik Stadsjapie en Plaasjapie. Die kothuise is uniek en smaakvol versier en is vir basiese selfsorg toegerus.

Stadsjapie bied die ideale verblyf vir 'n paartjie en daar is die opsie om 'n kind op 'n slaapbank te akkommodeer. Die slaapkamer het 'n dubbelbed en 'n oop en suite-badkamer met 'n stort, wasbak en toilet. Die kamer het lugversorging en daar is 'n plafonwaaier asook ‘n blaasverwarmer in die leefarea. Die oopplan-leefarea beskik oor 'n kombuis wat met 'n gasplate, mikrogolf, konveksie oond, ketel, broodrooster en yskas-vrieskas toegerus is en die sitarea het 'n slaapbank, 2 stoele, 'n slim-TV met Netlix. Gaste het ook toegang tot komplimentêre WiFi tydens hul verblyf. Die privaat onderdak stoep het braaigeriewe, 'n tafel en stoele, asook 'n pragtige uitsig oor die tuin. Handdoeke en 'n haardroër word voorsien.

Plaasjapie het slaapplek vir 'n gesin van 4. Daar is 2 driekwartbeddens in die oop solderarea en 'n koningingrootte-bed in die leefarea. Die aparte badkamer het 'n bad, stort, toilet en 'n wasbak. Die eenheid het lugversorging asook ‘n blaasverwarmer en 'n kombuis wat met 'n gasplate, mikrogolf, konveksie oond, ketel, broodrooster en 'n yskas-vrieskas toegerus is. Die sitarea het 2 stoele en 'n slim-TV met Netflix. Gaste het toegang tot komplimentêre WiFi. Die privaat onderdak stoep het braaigeriewe, 'n tafel met stoele en 'n uitsig oor die tuin. Handdoeke en 'n haardroër word voorsien.

Gaste het toegang tot veilige onderdakparkeerplek op die perseel. Klipperant het 'n elektriese heining vir sekuriteit en daar is 'n outomatiese kragopwekker wat 24 uur beskikbaar is, asook water vir 'n noordgeval.

Kry ’n Kwotasie