Kliphuisjes

Selfsorg

Gratis kansellasie tot 1 week voor jou verblyf!
Kapasiteit: 10 mense
Inkloktyd: 14:00 tot 21:00
Uitkloktyd: 10:00
Adres: Blue Crane-straat 264, Dullstroom, 1110, Mpumalanga
Alle ouderdomme is welkom
Vanaf R1 080 per nag (plek vir 2)

Beskrywing

Kliphuisjes is ’n knus, selfsorg plaaswegbreek in die hartjie van Dullstroom met 4 kothuise. Dis in ’n stil, veilige area geleë en minder as 5 minute se stap van restaurante en winkels af. Die perseel is op ’n heuwel en het lieflike tuine wat omring is met bloekombome, en daar is ook ’n vuurput buite en boma-area waar gaste kan kuier. Dit is die ideale oorslaapplek op pad na die Krugerwildtuin en is 18 km vanaf die Highland Gate Gholflandgoed.

Elk van die 3 Klip-suite is uniek versier en het ’n privaat oopplan-badkamer wat nie vanaf die kamer gesien kan word nie. Verder is daar top gehalte-linne, elektriese komberse, japonne en toiletware en ’n TV met DStv. Elke suite het ’n kombuisie wat toegerus is met die basiese, gratis tee, koffie, malvalekkers en beskuit. Daar is ook ’n stoep met ’n braai en sitplek en ’n kaggel binne wat hout en vuuraanstekers het.

Die selfsorg-tweeslaapkamer Klipkothuis bied slaapplek aan 4 volwassenes en 2 kinders. Die slaapkamers is smaakvol versier en het ’n koninggrootte-bed of 2 enkelbeddens, instapkaste, verwarmers teen die muur en ’n kluis. Daar is ook 2 kampbeddens vir jonger kinders. Die kothuis het ’n groot kombuis wat goed toegerus is met ’n filtreerkoffiekan, oond en wasmasjien-tuimeldroër. Die sitarea spog met leerbanke en ’n kaggel. Daar is ook ’ne etarea en vollengte stoep met ’n ingeboude braai.

Alhoewel Kliphuisjes nie ’n ontvangsarea het nie, bly die eienaars naby en sal gaste verwelkom en die sleutel oorhandig. Let asb. daarop dat die instansie selfsorg is en dat geen ontbyt voorsien word nie.

Kry ’n Kwotasie