Kalahari Hide

Selfsorg

Kapasiteit: 12 persone
Inkloktyd: 14:00 tot 22:00
Uitkloktyd: 10:00
Adres: Seodinstraat 130, Kuruman, 1038, Noord-Kaap
Alle ouderdomme is welkom
Vanaf R850 per nag, vir 2 mense

Beskrywing

Kalahari Hide is op 'n plot net 5 km buite Kuruman. Die verblyf is ideaal vir reisigers wat na die Weskus, Kgalagadi of Namibië reis en die Moffat-sendingstasie is reg agter die plot en die nuwe Mokala Mall met 'n restaurant en winkel is sowat 1 km weg.

Kalahari Hide bied 'n plaasatmosfeer met verblyfopsies om van te kies.

Die kothuis het slaapplek vir 'n maksimum van 5 gaste. Dit is 'n redelike afstand van die hoofhuis af en dus lekker privaat. Daar is 2 slaapkamers wat 'n badkamer deel. Die hoofslaapkamer het 'n koningingrootte-bed, die tweede slaapkamer het 2 enkelbeddens. Daar is ook 'n slaapbank in die sitkamer beskikbaar. Die kombuis is volledig toegerus en het 'n wasmasjien. Die oopplan-eetarea en -sitarea het 'n TV en DStv met sekere kanale wat KykNET, M-Net en Supersport insluit. Die stoep het sy eie braaiplek en daar is ook heelwat parkeerplek voor die kothuis.

Die semi-selfsorgkamers het elkeen 'n koningingrootte-bed en en suite-badkamers met storte. Elke eenheid het lugversorging, 'n yskassie, mikrogolfoond, koffie- en teemaakgeriewe en 'n verskeidenheid breekware. Daar is 'n TV het sekere DStv-kanale wat M-Net, KykNET en Supersport insluit. Die kamers is baie privaat en agter die gemeenskaplike lapa geleë.

Die semi-selfsorgeenheid vir 'n gesin is 'n oopplan-eenheid met 'n dubbelbed, 'n enkelslaapbank en 'n privaat badkamer met 'n stort. Die kombuisie is toegerus met 'n tweeplaatgasstoof, mikrogolfoond, yskas en tee- en koffiemaakgeriewe. Ander geriewe sluit 'n TV en lugversorging in en daar is 'n privaat braai by die agterdeur uit.

Die swembad en lapa met braaigeriewe is naby die kothuis, en al die kamers en gaste is welkom om dit te gebruik. Dit is slegs vir die gebruik van Kalahari Hide se gaste en geen kinders sonder toesig mag die swembad gebruik nie.

Kuruman bied verskeie besienswaardighede onder meer die Boesmansgat Sinkgat, die Moffat-sendingstasie, die Truce Tree en die Wonderwerk-grotte.

Kry ’n Kwotasie