Honne-Pondokkies

Selfsorg

Gratis kansellasie tot 24 uur voor jou verblyf!
Kapasiteit: 50 persone
Inkloktyd: 14:00 tot 19:00
Uitkloktyd: 10:00
Adres: Hoofweg 18, Hondeklipbaai, 8222, Noord-Kaap
Alle ouderdomme is welkom
Vanaf R400 per nag (plek vir 4)

Beskrywing

Honne-Pondokkies is in die klein dorpie Hondeklipbaai aan die Namakwalandse kus geleë. Hier is vrede en rustigheid 'n leefwyse. Gaste kan kommervry in die strate rondloop en al langs die 14 km lange kuslyn wandel. Die Honne-Pondokkie is sowat 300 m van die strand af.

Akkommodasie word in 7 selfsorg-eenhede met uitsigte oor die oseaan van die stoepies af of by die kampeerplek aangebied. Daar is 6 eenhede met TV's met sekere DStv-kanale. Elke eenheid het ook 'n gasstoof, oond, yskas-vrieskas en 'n mikrogolfoond. Daar is ook 'n braai-area by elke eenheid en 'n braaikamer vir reënerige dae.

Die kampeerplek bestaan uit 6 staanplekke met hul eie braaigeriewe, krane met lopende water, kragpunte en ligte. Daar is ook 'n gemeenskaplike ablusieblok.

Gaste kan 'n skemerkelkie op die stoep geniet terwyl hulle die pragtige sonsondergang aanskou. Daar is 2 groot bomas by die kampeerarea. Daar is 'n gemeenskaplike eetkamer waar 'n warm ontbyt teen 'n ekstra koste genuttig kan word.

Daar is ook 'n pragtige swembad en braai-area vir die genot van die hele gesin. Die kleinspan kan ook by die pretpark speel. Al 7 eenhede is troeteldiervriendelik, maar op gaste se eie risiko.

Hondeklipbaai is sowat 90 km op 'n grondpad van Garies af en 200 km van Springbok af. Petrol en diesel is in Koiingaas beskikbaar wat omtrent 22 km van Hondeklipbaai af is. Daar is 3 restaurante in hierdie bekoorlike dorpie.

Kry ’n Kwotasie