Gewel Guesthouse

Gastehuis

Kapasiteit: 16 persone
Inkloktyd: 14:00 tot 23:00
Uitkloktyd: 09:00
Adres: Veldtstraat 82, Ficksburg, 9730, Vrystaat
Alle ouderdomme is welkom
Vanaf R770 per nag, vir 2 mense

Beskrywing

Die Gewel Gastehuis is in die prentjiemooi dorpie Ficksburg geleë waar gaste en afgevaardigdes 'n stil, rustige wegbreek kan geniet. Dis net 2 minute se ry van die middedorp af en 5 km van die Lesotho-grens af. Dis perfek vir 'n naweek-wegbreek, sakereisigers of 'n basis vanwaar die besienswaardighede in die omgewing verken kan word.

Die verblyf bestaan uit 8 en suite-kamers wat pragtig ingerig is. Daar is slaapplek vir 16 gaste in totaal. Sommige kamers het 2 enkelbeddens wat in koningingrootte-beddens opgeskep kan word. Die beddens word opgemaak met gehalte-beddegoed en donsveer-duvets en ander kamergeriewe sluit elektriese komberse, verwarmers, 'n TV met sekere DStv-kanale en koffie- en teemaakgeriewe in. Gratis WiFi-toegang is ook beskikbaar. Sonkrag vir nodige toestelle word voorsien gedurende beurtkrag en die verblyf het 'n boorgat.

Veilige parkeerplek word voorsien om te verseker dat jou verblyf kommervry is. Gaste is ook meer as welkom om vir 'n rustige wandeling deur die tuin te gaan, op eie risio in die swembad af te koel, of om te ontspan in die vermaakarea.

By Gewel Guesthouse is jou gashere, Johan en Valerie, se trots die gasvryheid en uitstekende diens.

Kry ’n Kwotasie