CasaBac

Selfsorg

Langtermynverblyf-aanbod 10% af

Kry 10% af vir verblyf wat 5 nagte of langer is. Hierdie aanbod is altyd geldig.

Gratis kansellasie tot 24 uur voor jou verblyf!
Kapasiteit: 2 persone
Inkloktyd: 14:00 tot 18:00
Uitkloktyd: 10:00
Adres: Anton Van Niekerk-rylaan 385, Faerie Glen, 0043, Gauteng
Alle ouderdomme is welkom
Vanaf ~~R850~~ R765 per nag (plek vir 2)

Beskrywing

CasaBac is in die boomryke woonbuurt, Faerie Glen, in Pretoria-Oos en bied gerieflike selfsorgverblyf aan 2 gaste in 'n veilige en stil omgewing. Die akkommodasie is naby Garsfontein, Die Wilgers, Menlyn, Wapadrand en ander voorstede in Pretoria-Oos.

Verblyf is beskikbaar in 'n selfsorg ateljee-eenheid wat grens aan die hoofhuis, maar 'n privaat ingang het. Daar is 'n koningingrootte-bed en 'n en suite badkamer met 'n stort en aparte toilet, sowel as 'n haardroër, kleredroograk en strykyster. 'n Gasverwarmer en waaier word voorsien. Die eenheid is lekker koel in die warm somermaande.

Die kombuisie het 'n wasbak, mikrogolf, yskas-vrieskas, elektriese braaipan, eenplaatgasstoofie, eetgerei, 'n broodrooster, 'n rasper en tee- en koffiemaakgeriewe. Beskuit word voorsien. Buite is daar 'n privaat stoep met 'n Weber-braai.

'n Lessenaar is beskikbaar vir sakereisigers, 'n TV met die volledige DStv-pakket en gratis WiFi. Die eenheid is ideal ingerig vir sakereisigers wat meer as een nag moet oorbly. Rook is verbode in die eenheid. Die eenheid kan elke derde dag skoongemaak word as gaste langer bly. CasaBac is in 'n area wat nie deur beurtkrag geraak word nie. Indien daar wel kragonderbrekings is, is die eenheid met 'n gasgeyser, eenplaatgasstoofie en noodligte toegerus.

Veilige parkeerplek is beskikbaar op die perseel met 24 uur-sekuriteit. Daar is 'n gemeenskaplike swembad. Neem asb. kennis dat die eienaar op die perseel woon en troeteldiere het en daarom word ander troeteldiere ongelukkig nie toegelaat nie.

Casabac is naby Life Faerie Glen Hospitaal, Wilgers Hospitaal, Netcare Pretoria Oos Hospitaal en Faerie Glen Eye Institute en Cintocare. CasaBac is 2 km van Atterbury Value Mart af, 3 km van Faerie Glen Hypermarket af, 6 km van Menlyn Maine Central Square and Casino-kompleks, wat verskeie winkels en restaurante het asook die Woodhill Gholflandgoed het, af. Dis naby The Grove-winkelkompleks en verskeie ander restaurante en wegneem-eetplekke in Pretoria-Oos.

Kry ’n Kwotasie