Bayit Elohim

Selfsorg

Kapasiteit: 4 persone
Inkloktyd: 14:00 tot 19:00
Uitkloktyd: 10:00
Adres: Walvisstraat 3, Sandbaai, Hermanus, 7200, Wes-Kaap
Alle ouderdomme is welkom
Vanaf R1 000 per nag (plek vir 4)

Beskrywing

Bayit Elohim is in Hermanus in die Wes-kaap geleë. Dié area is veral bekend vir pragtige roetes, voetslaanroetes, wynproe, branderplankry en ikoniese besienswaardighede, soos Walker Bay Sea Kayaking, Bientang’s Cave en Hermanus se kranspaadjie. Dis die perfek naweekwegbreek vir reisigers wat uit die stad wil ontsnap.

Die selfsorgeenheid het slaapplek vir 4 gaste en beskik oor 2 slaapkamers. Die eerste slaapkamer het 'n koninggrootte-bed wat op versoek in 2 enkelbeddens omskep kan word, en die tweede slaapkamer het 2 enkelbeddens wat op versoek in 'n dubbelbed omskep kan word. Die badkamer het 'n bad, stort, toilet en 'n wasmasjien. Ander geriewe sluit 'n sitarea, koffie- en teemaakgeriewe, WiFi, 'n TV, 'n hardeskyf met flieks, en 'n ten volle toegeruste kombuis met 'n yskas, mikrogolfoond, stoof en 'n oond. Die eenheid het ook 'n braai-area en sy eie ingang.

Geriewe op die perseel sluit 'n swembad en veilige parkeerplek in. Die verblyf maak van sonkrag gebruik en word dus nie deur beurtkrag geraak nie.

Die eienaar is 'n gekwalifiseerde toergids en help graag met enige van die volgende doendinge in en om Hermanus: perdry, voëlkyk, fietsry, bergfietsry, tennis, visvang, wynproe, walviskyk-uitstappies op 'n boot en van die land af, zipline, vierwielmotorfietsry en meer.

Kry ’n Kwotasie