A Cherry Lane Self-Catering and B&B

Uiters swak hantering deur bestuur van goed wat nie gewerk het nie.

By aankoms was daar geen koue water in die kombuis of 'n werkende TV nie. Daar was geen kennisgewings daaroor nie. Die gasstoof het snags opgehou werk. Die aspekte is reggestel, maar ons is vertel dat ons te veel kla deur bestuur.

Gerieflike oornag.

Was heerlike verblyf. Netjies en gemaklik. Alles wat jy nodig het. Ontbyt was ook heerlik.

Heerlike, rustige verblyf!

Dit was heerlik om by Cherry Lane te oornag. Die eerste nag is ons begroet met te min eetgerei, maar dis baie flink en vinnig reggestel. Ons waardeer die moeite vanaf Nita en Kassie. Julle is voorwaar tops.

Teleurstellend.

Ten spyte van 'n versekering dat die 2 enkelbeddens as 'n dubbdelbed opgemaak sal word, is dit nie gedoen nie. Die storte se warm water wissel baie, soms is die water yskoud, dan weer kokend warm. 'n Versoek om hulp met die TV is eenvoudig geïgnoreer. Die lawaai van die N1 net oorkant die pad was baie steurend.

Lovely stay.

We all enjoyed ourselves. Kids really had an amazing time and are already asking when can we go back.

Die akkommodasie wat ons gehad het het goeie waarde vir geld gebied.

Die selfsorg-akkommodasie wat ons groep gehad het was goed ingerig en die groot bome skep 'n rustige atmosfeer. Die enigste kritiek is dat daar blykbaar as gevolg van ander groot aktiwiteite voor en na ons verblyf nie genoeg tyd was om die akkommodasie (veral die vloere) en die kombuis gereedskap en eetgerei in die silwerskoon toestand soos op die foto's te kry nie. Nita het haar bes probeer maar daar was ontwrigtende omstandighede. 'n Groot pluspunt is dat hulle selfversorgend is wat krag betref en nie onderhewig is aan ESKOM beurtkrag nie.

Gerieflik, mooi en vriendelik.

Die mense is vriendelik, alles is skoon, netjies en gerieflik en dis regtig 'n pragtige plekkie. Sal dit enige dag aanbeveel.

Beste gastehuis in Bloemfontein. Was nog nooit teleurgesteld nie.

Gasvry, behulpsaam. Lekker plaas atmosfeer. Naby die snelweg van Kaap af.

Oorslaap op pad vanaf vakansie.

A Cherry Lane is 'n wenner! Die eenheid was pragtig, ruim en skoon met alles wat ons kon nodig kry. Die tuine is pragtig en parkering is veilig. Ons is baie vriendelik ontvang. Ons sien uit daarna om weer te gaan.

Oase na lang dag se ry.

Ons is baie vriendelik deur Nita ontvang met aankoms. Mooi tuin, lieflike swembad en plaasdiere wat ons klein babaseuntjie baie vermaak het. Ons eenheid het oor als beskik wat ons nodig kon hê plus nog meer. Daar was ook geen beurtkrag nie a.g.v. hulle sonpanele. Was net 'n baie aangename oornag, baie dankie.

Stunning!

Hierdie was voorwaar 'n juweel en ons sal definitief weer hier tuisgaan.

Goeie verblyf.

Aangename oornagverblyf. Straat voor gastehuis net baie besig.

Wonderful stay.

The host was most welcoming and friendly, we had a lovely stay.

Gerieflik en gepas.

Ek het gereis met 3 honde, klein tot groot. Die blyplek was gerieflik, netjies met alles wat nodig is. Die tuin was toe en my honde kon gemaklik in en uit die huis beweeg en ek was nie bekommerd dat hulle sou weghardloop nie.

Oornag.

Skoon & netjies. Vriendelike bestuur.

Rustig en gesellig.

Eenhede is goed ingerig en diens is vriendelik. Die afstand buite die stad moet mens in ag neem na gelang van die rede vir jou besoek - dit neem ongeveer 20-25 minute tot by naaste winkelsentrums.

Uncomfortable.

It is the hardest beds we slept on ever the floor and the bed is the same hardness, not impressed.

Gerieflike oornagbestemming.

Cherry Lane is vir ons 'n gerieflike oornagbestemming as ons Kaap toe ry. Ons word altyd vriendelik ontvang.

Baie skoon en gemaklik vir ons groep met kinders en diere.

Sien sterre.

Lekker gebly, klein bietjie teleurgesteld.

Met ons aankoms by Cherry Lane was ons verwelkom deur 'n vriendelike, jong man. Persoonlik dink ek die jong man kon net netjieser aangetrek het wanneer hy gaste ontvang. Hy was baie vriendelik. Die pad tot by Cherry Lane was sleg en op plekke vol slaggate. Die jong man het vir my en my vrou die verkeerde kamer gegee met twee enkelbeddens. Ons het 'n kamer soos per foto met 'n koningbed bespreek. Die kamer en badkamer het oud en onnetjies vertoon en ons was bietjie ongelukkig. Ons het ook gevra vir ontbyt, maar die jong man het dit laat klink soos baie moeite en het dit toe gekanselleer. Nadat ons gekla het, het hy ons geskuif na die regte kamer soos per foto en hy het om verskoning gevra. Die kamer was baie beter. Ongelukkig het die skoonmaker vergeet om die yskas skoon te maak en daar was nog toebroodjies van vorige gaste. Ons was ook nie seker oor die bietjie melk wat in die yskas gestaan het nie. TV remote het nie gewerk nie en ons kon nie die TV aanskakel nie. Kragpunte om selfone te laai was ook 'n probleem. Die slaapkamerdak het 'n lek en kraak en kort herstelwerk en verf. Die kamers ruik ook bedompig. Dit kort 'n lekkerruikpotjie. Die badkamer was 'n teleurstelling. Die wasbak is te klein vir ons smaak en die stortkop nie gepas vir gaste nie en hoort in 'n buitestort. Die seeprak is ook geroes. Die honde is baie vriendelik en die tuin netjies. Die heining om die plaasperseel laat 'n mens nie veilig voel nie. Die mense/gaste wat daar was het bietjie geraas aangesien ons wou rus na die lang rit. Ons het nie geweet van die eetkamer nie aangesien die deur toe was. Ons het die netjiese eetkamer eers gesien nadat ek bietjie met die eienaar gesels het. Ons moes gaan uiteet vir aandete en ontbyt. Ek stel voor hulle moet gaste meer inlig oor die eetarea en wat beskikbaar is. Cherry Lane is 'n baie mooi plekkie, maar kort bietjie TLC. Dit was die prys werd maar na TLC dink ek hulle kan beter doen. Ek sal hulle weer eendag probeer.

Gerieflike oornagstop.

Baie netjies en gerielflike oornagstop naby Bloemfontein.

Fantasties, mooi en rustige plaaslewe.

Cherry Lane het vriendelike personeel, 20 min se ry uit die Bloemfontein, absolute rustige, lieflike en veilige omgewing, kindervriendlik en dierevriendelik.

Lekker gerus op baie stil plek.

Gasvrou het ons na geskeduleerde inkloktyd geakkommodeer na probleme op die pad ons laat laatkom het. Kamer het alles wat mens benodig vir oorslaap. Die aparte badkamer met deur wat toegemaak kan word, verseker privaatheid wat op sommige plekke ontbreek. Die pad vanaf snelweg na die eenheid was bietjie sleg veral na reën.

Baie ruim verblyf, gerieflik en netjies! Vriendelike ontvangs.

Laaste kilometer slegte pad, baie slaggate.

Heerlike kuier, pragtige swembad en vriendelike gashere. Ons het 'n hond saam gehad en hulle het haar goed geakkommodeer.

Kamers is baie modern en netjies en beddens slaap gemaklik. Troeteldiervriendelik.

Lekker gebraai en gekuier.

Baie lekker gebly. Almal vriendelik. Perfek vir oornag.

Teleurgesteld.

Met ons aankoms by A Cherry Lane is ons na 'n ander, goedkoper, eenheid geneem as die eenheid was ons bespreek het. Ek het die eienaar daarop gewys waarna sy binne 5 sekondes van vriendelik na ongeskik verander het. Sy het gesê dat sy nie skoonmakers vir die volgende dag het nie en gevra of ek nou regtig gaan aandring op die eenheid wat ek bespreek het. Ek het die eenheid juis gekies en duurder betaal sodat my kinders hulle eie kamer kon hê en omdat ons met ons hondjie gereis het (wat vooraf gereël was) en die eenheid se tuintjie perfek gewerk het vir ons behoeftes. Die DStv het nie gewerk nie en die eienaar het dit probeer regmaak, maar ongelukkig sonder sukses. Die eenheid was ook nie behoorlik skoongemaak nie, want daar was ou, droë hondebol op die vloer in die eenheid. Die N1 loop naby die eenheid verby en met die trokke wat heelnag verby ry was die slaap maar min. Ek sal A Cherry Lane nie aanbeveel nie bloot op die vrou se houding teenoor ons - sy was ongeskik, het ons onwelkom laat voel en laat voel asof ons die verkeerde party was oor ons nie gelukkig was dat sy sonder enige vooraf reëlings met ons, ons in 'n ander kleiner eenheid wou sit nie.

Lekker rustige plek. Great vir oornag.

Bad en toilet lek. Vreeslike klein bad. Verder was dit lekker.

Vriendelik, hulpvaardig, lekker gekuier.

As jy van die natuur hou, is dit die plek om te bly.

Rustige omgewing.

Die skok was egter die toegangsroete. Waarsku asb. die gaste dat dit 'n grondpad in 'n baie slegte toestand is. Die verweer is dat die munisipaliteit dit slegs een keer per jaar skraap indien ooit. Maak voorsiening vir eie etes omdat dit redelik ver van enige fasiliteite geleë is. Nie aan te beveel vir iemand wat met 'n gewone motor reis nie.

Quick sleep over, close to highway, comfortable and open air!

Love the rabbits.

Convenient overnight stay at a reasonable price.

See stars.

Baie dankie vir die gasvryheid, vriendelikheid en mildelike ontvangs.

Baie dankie vir veilige oornag en geriewe. Ons sal beslis weer daar oornag. Baie dankie vir alles. Waardeer.

Perfect halfway stop.

Perfect half way stop between JHB and PE.

Lekker "plaas" atmosfeer.

Dis beslis beter as om in die stad te bly. Rustigheid is wat jy hier ervaar. En hulle het uit hul pad gegaan om vir ons aandete voor te berei.

Baie lekker!

Sal weer daar oorbly en aanbeveel.

Pleasant.

The lady that welcomed us was very friendly and helpful.

Pragtige plek met 'n goeie ligging vir reisigers

Pragtige plek met al die geriewe wat mens nodig het. Die ligging is ideaal vir reisigers. Sal dit met graagte aanbeveel.

Alles was perfek.

Ons reis dikwels tussen Port Elizabeth en Pretoria en het nou die perfekte oornag plek gekry. Die eienaars was vriendelik en hulpvaardig.

Was 'n lieflike plek en gemaklik uit die dorp.

Die slaapplek was netjies en die eienaar vriendelik. Die pad was net moeilik rybaar na al die reën omdat dit buite die dorp op 'n plaas is. Sal dit beslis weer gebruik.

Very peaceful and cosy.

Rustig, netjies en voldoen aan benodigdhede.

Voel soos huis van die huis.

Die honde en katte en hasies is te oulik. Chalet baie skoon met alle geriewe insluitend braaiplek.

Bed is great.

Friendly, helpful owners.

Baie behulpsaam, mooi en netjiese verblyf.

Baie dankie vir netjiese, skoon oornagplek!

Voel soos by die huis.

Wanneer mens daar aankom word jy met ope arms verwelkom en jy word na jou plek vergesel wanneer dit klaarbetaal is. Dit voel soos by die huis veilig en daar is 'n groot tuin. Voëltjies baljaar in die bome. Ons het selfs donderweer en reën met 'n pragtige reënboog gehad. Daar is darem 'n winkeltjie by die vulstasie.

Dit was 'n teleurstelling.

In vergelyking met ander oornagplekke, is die plek se pryse belaglik duur. Die omgewing is ook nie goed nie, alhoewel die erf netjies en baie mooi is. Ons moes duur betaal vir 'n kamer en was teleurgesteld met wat ons kry vir 'n hoë prys.

Gasvry, baie vriendelik en behulpsaam. Baie stil en veilig. Ideaal vir mense met kinders. Swembad, ponies en klimraam.

Sien sterre.

Rustig.

Ons het baie lekker gebly die plekkie is net 'n bietjie klein vir 4 mense en daar is nie plek vir 4 mense se bagasie nie, net vir 2. Ek sou voorstel dat daar êrens plek gemaak word waar ander se bagasie uitgepak kan word. Kinders moes uit tasse werk en tasse was die hele tyd in die pad. Maar anders is dit 'n baie oulik plek wat ek sal aanbeveel. Daar word daagliks skoongemaak en jy kan selfs jou wasgoed teen 'n baie billike prys laat was en stryk. Baie dankie julle.

Geniet.

Sal dit aanbeveel. Dankie.

Wonderlik.

Naby aan eetplekke en inkopiesentrum.

Dit is 'n baie lekker gastehuis en waarde vir jou geld.

Ons is vriendelik ontvang en ons selfsorg-eenheid was netjies en skoon gewees. Die aandetes en ontbyte is baie keurig voorberei en bedien. Sal beslis weer hier gaan oorslaap.

Lovely, comfortable rooms.

Great stay. Rooms tasteful. Just had a struggle with the shower head in our unit, but other than that perfect for our stop-over.

Heerlik gebly.

Alles was 100%. Het heerlik gebly.

Gesellige oornagplek met ruimte vir kinders om te speel.

Gesellige huis met alles wat jy nodig het. Ruim tuin met speelplek vir kinders. Eienaars behulpsaam. Pragtige troeteldiere wat jou verwelkom.

Die mense is baie vriendelik en behulpsaam.

Ons het hier oornag op pad van vakansie af. Lekker gebly. Netjiese, mooi kamer. Lekker ontbyt en baie gawe mense.

Baie netjiese plek met vriendelike personeel.

Oornagverblyf. Sal weer hier bespreek.

'n Plaasgevoel-plekkie buite Bloemfontein.

'n Plekkie wat jou 'n plaasgevoel gee, buite Bloemfontein, met 'n heerlike swembad om jou af te koel. Indien jy vinnig 'n paar goedjies moet koop is die winkels 'n entjie se ry.

Wonderlike verblyf.

Baie dankie Nita vir jou gasvryheid en heerlike kos!

Heerlik veilig gebly en die fasiliteite uit boonste rakke.

Heerlik op die plaas in die stad. Fasiliteite uit boonste rakke en gasvrou en gasheer professioneel en vriendelik. Nooit onveilig gevoel en gevoel of dit by eie huis was.

Baie gemaklik en gerieflik.

Was een van die beter plekke waar ons al oorgeslaap het. Beddens was baie gemaklik en plek was skoon en netjies. Sal beslis weer daar oorslaap!

Uitstekende diens en vriendelikheid.

Die diens was uitstekend en die eienaars was ongelooflik vriendelik. Ons het veilig gevoel en heerlik daar gekuier. Dankie.

Friendly, clean and easy access to highway for overnight stay.

It was the perfect stopover on the way back from the east coast. Friendly people and a wonderful friendly dog. Clean and adequate accommodation, excellent breakfast. We may be better suited to their self catering accommodation, will try that next time.

Gasvry.

Vriendelik, gasvry en netjies.

Awesome!

What a magical place!

Rustig.

Rustig en ontspanne omgewing.

Redelik.

Met aankoms blyk dit dat die eenheid wat ons bespreek het beset is deur iemand anders. Moes wag vir okkupasie totdat dit uitgesorteer is. Sproeiers wat aangelos was het modderige ingang veroorsaak.

Ons het lekker uitgerus vir die volgende dag se verder ry.

Baie skoon en netjies. Die melk in die yskas was 'n wenner. Sal definitief weer oorweeg vir 'n oorslaap op die lang rit van die Kaap.

Great service and value for money.

We stayed over while relocating to Cape Town, we arrived later than expected while having some special requests but Nita and the team were very friendly and went above and beyond the level of service that we have experienced from other B&B's, this is definitely a planned stop on our next visit.

Gerieflik.

Puik oornag verblyf. Rustige omgewing en goed ingerigte kamers. Vriendelike personeel.

Goeie plek vir kinders.

Die spasie in die woonstelle is tot die optimum benut. Kan amper bietjie benoud begin raak, maar daar is geen tekortkominge nie. Baie vriendelike ontvangs gehad en die kinders het baie lekker gespeel.

Mooi skoon en netjies.

Ons het lekker geslaap, mooi omgewing, netjies en skoon.

Ons is herhaal besoekers aan A Cherry Lane en sal nooit êrens anders oornag in Bloemfontein as dit van ons afhang nie!

Ons is herhaal besoekers aan A Cherry Lane en sal nooit êrens anders oornag in Bloemfontein as dit van ons afhang nie! Ons gasvrou, Nita, ontvang almal wat daar aankom hartlik en niks is te veel moeite nie. Die plek self is 'n klipgooi van die N1 af, maar heerlik stil en word baie netjies versorg. Die selfsorgeenhede is lekker ruim en baie goed toegerus.

Heerlik gebly!

Baie gerieflik geleë. Heerlike plaasatmosfeer. Kinders was mal oor swembad en trampolien. Lugversorging 'n groot bonus in Desember-hitte. Kamers is net effe klein met min plek vir tasse, maar eenheid verder baie gerieflik.

Baie aangenaam.

Die eienaars was baie tegemoetkomend met ons versoeke.

Cherry Lane is 'n besondere ervaring.

Nita het uit haar pad gegaan om ons te help om daar uit te kom. Dit is skoon, die diens is wonderlik en ons het baie welkom gevoel. Cherry Lane is 'n besondere gastehuis. Die eienaars was baie behulpsaam en vriendelik. Die eenheid was pragtig en skoon en die diens uitstekend. Die atmosfeer in die pragtige tuin met voeltjies en papegaai het ons sommer tuis laat voel. Ons sal weer daar wil tuisgaan!

Baie lekker!

Pragtige plek. Skoon en vriendelik!

Stil en landelik.

Baie lekker gekuier by vriendelike en behulpsame mense. Dit was netjies en skoon met alle toebehore om lekker te braai.

Altyd heerlik om hier te oornag op pad na die Oos-Kaap.

Sien gerus die sterre.

Fantasties.

Alles was perfek. Pragtige skoon en mooi netjiese verblyf. Sal beslis weer van hul gebruik maak. Beslis 'n bonus om ons hondjies saam te kon hê. Baie dankie!

Baie vriendelik en netjiese plekkie.

LekkeSlaap en A Cherry Lane se diens was uitstekend. Perfek vir 'n oornag.